गोदावरी खोऱयातील महाराष्ट्राच्या वाट्याला आलेले पाणी द्रुतगतीने उपयोगात आणून खोऱयातील पाटबंधारे प्रकल्प, लाभक्षेत्र विकास प्रकल्प, जलविद्युत प्रकल्प आणि ऊर्जा निर्मिती योजना इत्यादींना चालना देण्यासाठी महाराष्ट्र अधिनियम क्र.23 अन्वये गोदावरी मराठवाडा पाटबंधारे विकास महामंडळाची 17 ऑगस्ट, 1998 रोजी स्थापना करण्यात आली. तर मंडळाच्या कामकाजास 1 ऑक्टोबर, 1998 पासून सुरुवात झाली.
गोदावरी नदी सह्याद्रीच्या पर्वतरांगातून नाशिक जिह्यातील त्र्यंबकेश्वर येथे उगम पावते. पुढे ती अहमदनगर, औरंगाबाद, नांदेड जिह्यातून वाहत आंध्र प्रदेशात जाते व राजमहेंद्रीजवळ बंगाल उपसागरास मिळते. गोदावरी मराठवाडा पाटबंधारे विकास महामंडळाच्या हद्दीमध्ये उगमापासून ते राज्य सीमेपर्यंत मुख्य गोदावरी नदीची लांबी 732 कि.मी. आहे. महाराष्ट्राचे 10 जिल्हे या महामंडाळांतर्गत येतात.
गोदावरी मराठवाडा पाटबंधारे विकास महामंडळाच्या स्थापनेपूर्वी गोदावरी नदीवरील 9 मोठे, 58 मध्यम आणि 497 लघु प्रकल्प पूर्ण करण्यात आले होते. या एकूण 564 प्रकल्पातून फक्त 7.29 हेक्टर सिंचन क्षमता निर्माण झाली होती.
गोदावरी मराठवाडा पाटबंधारे विकास महामंडळाच्या अंतर्गत 14 मोठे, 12 मध्यम आणि 158 लघु प्रकल्प बांधकामाधीन आहेत. या अहवालात गोदावरी मराठवाडा पाटबंधारे विकास महामंडळाच्या अंतर्गत असणाऱया मोठे, मध्यम व लघु बांधकामाधीन प्रकल्पांचा आढावा या अहवालात घेतला आहे.
अधिक आणि सविस्तर माहितीसाठी ब्लॉगवरील पत्यावर किंवा दूरध्वनी क्रमांकावर संपर्क साधावा. हे अहवाल विनामूल्य उपलब्ध करून दिले जातील.
No comments:
Post a Comment