'लेखा जोखा २०१३' प्रकाशित

मुंबई (विधान भवन) : लोकसत्ताचे संपादक गिरीश कुबेर यांच्या हस्ते 'लेखा जोखा २०१३' अहवालाचे सोमवारी (दि.१८) विधान भवन येथे प्रकाशन झाले. गेल्या वर्षी 'स्पार्क'ला दोन वर्षे पूर्ण झाल्याच्या निमित्ताने पहिला लेखाजोखा प्रकाशित केला होता.

'लेखाजोखा २०१३' या अहवालात आठ विषयांचा लेखाजोखा घेण्यात आलेला आहे. राज्यासमोरील सर्वसमावेशक विकासाचे आव्हान, राज्यातील गंभीर सिंचनविषयक स्थिती, तोट्यात चाललेला सरकारचा दुग्ध व्यवसाय, राज्यातील महिला व बालकांना संरक्षण देण्यात शासनाचे अपयश, सार्वजनिक आरोग्याची हेळसांड, प्राथमिक शिक्षणाकडे होत असलेले दुर्लक्ष, राष्ट्रीय रोजगार हमी योजनेची निष्प्रभ अंमलबजावणी आदी संदर्भातील विश्लेषणाचा या अहवालात समावेश करण्यात आलेला आहे. अहवालाच्या प्रतसाठी ब्लॉगवर देण्यात आलेल्या ईमेल वर संपर्क साधावा.



ज्येष्ठ पत्रकार गिरीश कुबेर 'स्पार्क'च्या 'लेखा जोखा २०१३'चे प्रकाशन करताना. सोबत डावीकडून स्वानंद दाबके, आमदार देवेंद्र फडणवीस, 'स्पार्क'च्या संचालिका प्रिया खान, सुचेता हजारे, अंकुश बोबडे, विधान परिषदेचे विरोधी पक्ष नेते विनोद तावडे आणि आमदार चंद्रकांत पाटील.

 'लेखाजोखा'चे मुखपृष्ठ